أبراج وطرائف

أنت والأبراج | الثلاثاء ٣ آذار

الحمل ♈

عندك اتصالات كتير ولقاءات وناس ..
عم شوف عندك هاليوم كتير اتصالات وناس ولقاءات وحركة ولازم تنتبه لان كل شي بدو حذر من الحوادث ومن يوء تفاهم وماتحاول تعمل مشكلة مع اخ الك وكون رايق ليبقى كل شي تمام وانتبه لموبايلك ..
♡عاطفيا : لازم تستغل يومك لانك مقنع باي كلمة بتحكيها والشريك ممكن يتواصل معك ..
■النسبة المئوية :
●مهنيا : %72 ●ماليا : %70 ●عاطفيا : %76 ●صحيا : %73


الثور ♉

ناطرك امور مالية وفيك تطلب مساعدة ..
بشوفك بهاليوم عم تفكر تطلب دين من حدا وبالمجمل عندك تعاملات مالية وفرصة شغل جديدة وغالبا عندك افكار بتخص سفر ولازم تحسم امورك وتنتبه من مصاريف عالفاضي وعم تلاقي صعوبة بالفيقة الصبح..
♡عاطفيا : الامور العاطفية صعبة هالايام نصيحة ما تتخلى عن حبك او حافظ على مين بيحبك مش كل يوم السعد بيضحكلك
■النسبة المئوية :
●مهنيا : %68 ●ماليا : %80 ●عاطفيا : %74 ●صحيا : %72


الجوزاء ♊

حاول تستغل يومك بشغل وعلاقات وانفراجات ..
من الايام يلي فيها شي مصيري عندك وعم تقدر تكون نجم بشغلك وحتى بوضعك العام والكل عم يراقبك ويمدح فيك فاستغل هاليوم لتظهر اكتر وتكون عم تعمل شي مهم وممكن بداية شغل وشهرة ..
♡عاطفيا : عم تدخل القلوب وتكون مصدر اعجاب لكتار فاستغل هالشي لتحسن وضعك العاطفي ..
■النسبة المئوية :
●مهنيا : %93 ●ماليا : %89 ●عاطفيا : %88 ●صحيا : %84


السرطان ♋

في بعض الامور شاغلتك وانتبه بعلاقاتك الجديدة ..
عم تفكر بكتير قصص ويمكن عندك علاقات جديدة لكن بعض الامور تاعبتك وخاصة المحيطين فيك وفي ناس عم تستفزك بتصرفاتها فدير بالك وحاول اخفف حساسيتك وماتهتم لشي حتى يكون يومك جيد ..
♡عاطفيا : انت قدام خيارات عاطفية جديدة لكن نسبة استغلال مشاعرك هاليوم بتكون عالية فروق ..
■النسبة المئوية :
●مهنيا : %64 ●ماليا : %67 ●عاطفيا : %61 ●صحيا : %58


الأسد ♌

الاوضاع عم تتحسن وفي اجواء اجتماعية ..
عم تنسى تعبك هاليوم وعم تكون مع كتير ناس وعندك لقاءات واجواء حلوة حتى بالشغل عم تصلح الامور وتتلقى مساعدة وبكون في اجواء ايجابية اذا بدك تحضر مناسبة او تعمل عزيمة او تزور حدا جديد ..
♡عاطفيا : عم تتحسن امورك العاطفية وفيك تستغل علاقاتك لتبدا بحب جديد او تحسن علاقتك مع الشريك ..
■النسبة المئوية :
●مهنيا : %70 ●ماليا : %67 ●عاطفيا : %77 ●صحيا : %73


العذراء ♍

ممكن تكون مدايق لكن في شب بخص شغل ..
حاول هاليوم تكون رايق لان في قصص عم تستفزك وخاصة انو ممكن بعض الأشخاص ينتقدوك وهالشي بيعملك حالة من القلق ولازم ماتصعد اي خلاف خاصة مع المسؤولين ليمرق هاليوم بلا مشاكل ..
♡عاطفيا : عم تفكر كيف تخلي علاقتك تمام بس عم تتوتر بسرعة وتعصب بهاليوم ولازم تهدي ..
■النسبة المئوية :
●مهنيا : %72 ●ماليا : %66 ●عاطفيا : %74 ●صحيا : %68


الميزان ♎

الاوضاع جيدة وعلاقاتك افضل وفي حلول ..
عم تقدر هاليوم تغير من وضعك المهني وتحصل على راحة نسبية وممكن يكون في عندك شغل بساعدك وحتى لقاء باشخاص جدد وتطورات لتخص بداية جديدة وفي تحسن كبير ونجاح ناطرك ..
♡عاطفيا : بدي منك تستغل هاليوم لتتقرب من الشريك او لتختار شريك جديد عم يدخل حياتك ..
■النسبة المئوية :
●مهنيا : %87 ●ماليا : %85 ●عاطفيا : %84 ●صحيا : %82


العقرب ♏

حاول تحل مشاكلك وتعزز وضعك المالي ..
انا بشوفك هاليوم عم تجتاز فترة صعبة اذا فينا نقول وكمان عم تقدى تغير من حالتك وتكون عم تكسب من قصة مالية وترتاح بالاجواء العائلية وتحصد نتيجة تعبك وانت بوضع جيد بعد ضغوط كبيرة ..
♡عاطفيا : الوضع العاطفي كتير بعطيك عاطفة ورومنسية فاستغل هيك يوم لان لا يعوض وممكن يرجعلك فيه حب قديم ..
■النسبة المئوية :
●مهنيا : %71 ●ماليا : %79 ●عاطفيا : %69 ●صحيا : %72

وظائف شاغرة: مطلوب جرافيك ديزاينر متخصصين للعمل في شركة رائدة في بيروت | اضغط على الصورة ادناه لارسال السيرة الذاتية والأعمال السابقة

القوس ♐

يوم لتكون دبلوماسي وتستوعب الكل ..
يبدو انو في كتير قصص شاغلتك والامور يلي ماعم تريحك كتيرة ولازم تمسك حالك منيح وتحاول ماتنفعل لان الضغوطات كببرة وخصوصا بالبيت ومن المقربين والعيلة ولازم تنتبه لصحتك ووضعك المالي ..
♡عاطفيا : عم تحس بانو في توتر كبير عم يسيطر عليك ولازم تلاقي حلول بهيك يوم والشريك لازم يهدي عليك واكيد حتلاقي حل لو بده وقت ..
■النسبة المئوية :
●مهنيا : %64 ●ماليا : %68 ●عاطفيا : %63 ●صحيا : %65


الجدي ♑

انت بحاجة تنظيم بشغلك وعلاقاتك ..
كتير في شغل عم تحاول تخلصو بهيك يوم ويمكن عم تأجل كتير امور وهالشي عمل عندك تراكم مشان هيك حاول تبلش وخلص الضروري وكمان فكر كيف تلاقي وقت للراحة وكمان عم تنشغل بقصص جديدة..
♡عاطفيا : في كتير اشخاص وعلاقات بس انت لازم تعرف شو بدك ومين يلي بحبك عنجد ..
■النسبة المئوية :
●مهنيا : %65 ●ماليا : %66 ●عاطفيا : %63 ●صحيا : %59


الدلو ♒

اخبارك حلوة وماليا في شي ناطرك ..
عم شوف الامور بهيك بوم عم تتحرك لصالحك وعم تكون من اكتر الاشخاص حظا وخاصة اذا بدك تستغل هالشي ماليا از تحصل على مبلغ او حتى هدية وفي حظوظ وكمان بتلاقي فرص مهمة ناطرتك..
♡عاطفيا : عم تتحرك الاوضاع لصالحك بالحب وفي حديث بفرحك بهيك يوم ..
■النسبة المئوية :
●مهنيا : %86 ●ماليا : %80 ●عاطفيا : %84 ●صحيا : %83


الحوت ♓

عندك حلول عقارية وقصة عائلية بدها حل ..
يوم لحسم الامور عندك ولازم تكون حكيم وخاصة اذا الموضوع بخص شخص مقرب وغالي عليك او حتى حدا من عيلتك وفكر صح وانتبه لوضع عقار عندك او عم تجدد شي بالبيت وفي تغييرات بمكانك ..
♡عاطفيا : استوعب الامور بدون مشاكل وتأكد انو رح يرجع كل شي تمام وتتحسن عاطفتك قريبا ..
■النسبة المئوية :
●مهنيا : %71 ●ماليا : %68 ●عاطفيا : %70 ●صحيا : %62

وظائف شاغرة: مطلوب اخصائيين تحريك فيديو انيميتور للعمل في شركة رائدة في بيروت | اضغط على الصورة ادناه لارسال السيرة الذاتية والأعمال السابقة

مكتب التحرير

مراقب صحفي | يقارب الأحداث والمواضيع بإلتزام وموضوعية دون تمييز وليس منحاز إلا لما هو الافضل لبناء مجتمع يقرأ ويميز بين الأخبار الحقيقية والاخبار المضخمة أو الموجهة. مقاوم وثائر للحق و الشعوب الكادحة المستضعفة

مقالات ذات صلة

زر الذهاب إلى الأعلى
KhabarTaza

مجانى
عرض