أبراج وطرائف

أنت والأبراج | السبت ٧ آذار

الحمل ♈

الوضع افضل رغم انو فترة صعبة شوي ..
انا عم شوفك بيوم بتحس فيه انو في قصص بتستاهل تتفائل فيها وانو مهما كانت الظروف صعبة في امور جيدة وبتدعمك بالبيت والشغل وحتى ماليا وضعك بيتحسن وفيك تقعد مع طفل لتحسن طاقتك ..
❤عاطفيا .. من افضل الايام لتستغلها بعاطفة وحتى ممكن تجيك هدية ..
■النسبة المئوية :
●مهنيا : %85 ●ماليا : %82 ●عاطفيا : %87 ●صحيا : %80


الثور ♉

بعدك مدايق بالبيت وبدك تستقر كمان ..
الوضع عندك عم يشهد تغييرات هاليوم ويمكن في قصص بالبيت مو مريحتك او نقل بالشغل على غير مكان ولازم تهدي وتستوعب عيلتك والمقربين منك اذا بدك نهارك يمرق وكمان في لمة عيلة عند البعض ..
❤عاطفيا .. عم تتحسس من امور بسيطة والمشكلة انك مابتحكي يلي جواتك وهالشي بخليك تعبان ..آمن بالشريك ولا تقيده بالتفاصيل
■النسبة المئوية :
●مهنيا : %66 ●ماليا : %60 ●عاطفيا : %67 ●صحيا : %61


الجوزاء ♊

الوضع العام في لقاءات حلوة ومهمة وناس ..
عم تتحرك امورك بالشغل وعم تشوف ناس مهمة وحتى في عندك شي بخص السوشل ميديا والشهرة ممكن تستغل امورك وتتصرف بهالمجال لتبلش شغل او لتثبت حالك او لتنجح كمان وانتبه من الحوادث ..
❤عاطفيا .. عم تكون علاقاتك على مستوى عالي هاليوم واذا عرفت تصل لقلب شخص جديد ممكن تبلش علاقة عندك ..
■النسبة المئوية :
●مهنيا : %73 ●ماليا : %75 ●عاطفيا : %80 ●صحيا : %74


السرطان ♋

يمكن تجيك حوالة مالية او تصرف مصاري ..
هاليوم عم يعطيك فرص شغل بقصص خارجية او عن طريق سفر او بتصلك حوالة من برا وبالمجمل في شي مهني ومالي جيد وبيدعمك بس انت تعرف تستغل هالشي ويمكن صديق جديد بتتعرف عليه ..
❤عاطفيا .. لازم تهرف كيف تخلي علاقتك تمام وممكن بعض العلاقات تطور هاليوم ..
■النسبة المئوية :
●مهنيا : %71 ●ماليا : %78 ●عاطفيا : %76 ●صحيا : %74


الأسد ♌

عندك انفراجات واخبار بتفرحك وشغل ..
يبدو انك بهاليوم عم تاخد نفس وتبلش ترتاح بعد فترة صعبة مرقت عليك وكمان في امور مهنية بتنحل بتخص اوراق او قضية كانت شاغلتك وطاقتك عالية لتغير الامور لصالحك وتبدا من جديد ..
❤عاطفيا .. انت بيوم في عاطفة قوية وجاذبيتك بترتفع وكتير عم يكون فيك تستغل هالشي لتصل لقلب الشريك ..
■النسبة المئوية :
●مهنيا : %92 ●ماليا : %88 ●عاطفيا : %83 ●صحيا : %85


العذراء ♍

الوضع العام صعب ويبدو الغدارين كتار فانتبه ..
ماعم تلاقي حالك كتير مرتاح بالتعامل مع الناس المحيطة فيك وغالبا كلو عم يكون بوجهين معك فانتبه وحاول تهدي وخاصة مع الناس يلي مابدك تخسرها وفكر تعمل شغل مع شخص لكن بشروط وخليك حذر ..
❤عاطفيا .. في كتير قصص عم تخلي علاقتك ماكتير مستقرة واهم شي تحاول تكون هادي حتى ماتنهي كل شي ..
■النسبة المئوية :
●مهنيا : %65 ●ماليا : %61 ●عاطفيا : %60 ●صحيا : %63


الميزان ♎

عندك ناس كتير عم تشوفا ولقاءات حلوة ..
عم تقدر تعمل علاقات جديدة وتحسن من وضعك رغم التعب يلي بتعاني منو بهالفترة لكن امورك جيدة من ناحية انو في كتير اشخاض بتكون حدك وبتساعدك كمان ويمكن عم تعزم أو عم تنعزم عند صديق ..
❤عاطفيا .. انت بوقت جيد لتصلح علاقتك بالشريك وتكون مبسوط نسبيا لمجرى علاقتك ..
■النسبة المئوية :
●مهنيا : %73 ●ماليا : %72 ●عاطفيا : %75 ●صحيا : %70


العقرب ♏

عندك لقاءات حلوة ومهمة وشغل ممكن ..
لازم بهاليوم تكون حاضر وبقوة لان العيون عليك وشو ماعملت عم تراقبك الناس فممكن يكون في فرصة شغل او امتحان او قصة مصيرية والحظ معك وفكر كيف تمشي امورك وتستغل علاقات مهمة كمان ..
❤عاطفيا .. الوضع عندك عم يشهد اخبار حلوة واشخاص ممكن يحركو مشاعرك وخاصة من المشاهير ..
■النسبة المئوية :
●مهنيا : %67 ●ماليا : %75 ●عاطفيا : %72 ●صحيا : %70


القوس ♐

علاقاتك الأفضل وعندك سفر ممكن ..
يبدو انو هاليوم بيدعم السفر والتغيير عندك وغالبا تكون بمكان جديد وتتنقل بين مكان ومكان او حتى يكون في فرصة شغل جديدة وبتنجح بالخيارات يلي ناطرتك وعندك تطورات حلوة وتواصل افضل ..
❤عاطفيا .. انت بيوم في اجواء عاطفية حلوة وممكن تتعرف على اشخاض جديدة بهيك يوم ..
■النسبة المئوية :
●مهنيا :%84 ●ماليا : %87 ●عاطفيا : %82 ●صحيا : %80


الجدي ♑

حاول تخلص شغلك وتحل مشاكلك وفكر بمال ..
هاليوم لتقدر تخلص الكتير من شغلك وكمان تنهي الامور المهمة وخاصة انو ممكن يكون عندك تعاملات مالية واوراق ممكن تحصل عليها وتحل قصة شاغلتك وحتى صحيا وضعك عم يتحسن ..
❤عاطفيا .. الوضع العاطفي بيدعم موعد مع الشريك في اجواء رومنسية ..
■النسبة المئوية :
●مهنيا : %69 ●ماليا : %82 ●عاطفيا : %76 ●صحيا : %73


الدلو ♒

بتدايق ماليا وبتحس انك منفعل زيادة ..
ماعم تكون راضي عن وضعك وعم تفكر بقصص مالية او عقد شراكة مع شخص لكن مو مرتاح وبدك اشخاص موثوقين وعم تفوت بمواجهات كمان فحاول تهدي وتحل امورك برواق هاليوم ..
❤عاطفيا .. ماعم تلاقي الاهتمام المطلوب من الشريك او ماعم يعرف يتعامل معك بهيك يوم ..
■النسبة المئوية :
●مهنيا : %69 ●ماليا : %65 ●عاطفيا : %67 ●صحيا : %64


الحوت ♓

عندك شغل جديد ومسؤولياتك بتزيد ..
عم تستلم شغل جديد غالبا بهيك يوم او عم تفكر باكتر من قصة تعملها ولازمك ترتيب لوضعك حتى ماتتأخر بشي وكمان لازمك نظام صحي حتى ماتتراجع طاقتك ولازم تعرف كيف تخلي الكل يساعدك ..
❤عاطفيا .. لازمك راحة وانت مو ناقصك اي كلام زايد من الشريك يعني اهتمام وبس ..
■النسبة المئوية :
●مهنيا : %68 ●ماليا : %60 ●عاطفيا : %65 ●صحيا : %58

مكتب التحرير

مراقب صحفي | يقارب الأحداث والمواضيع بإلتزام وموضوعية دون تمييز وليس منحاز إلا لما هو الافضل لبناء مجتمع يقرأ ويميز بين الأخبار الحقيقية والاخبار المضخمة أو الموجهة. مقاوم وثائر للحق و الشعوب الكادحة المستضعفة

مقالات ذات صلة

زر الذهاب إلى الأعلى
KhabarTaza

مجانى
عرض