أبراج وطرائف

أنت والأبراج | الأحد ٨ آذار

الحمل ♈

عندك اجواء حلوة الصبح بس انتبه المسا ..
يبدو انك بوضع افضل نسبيا الصبح وفيك تعزز علاقاتك وتعمل شي حلو بس من الضهر ماكتير بكون وضعك الصحي تمام وخاصة انو عم تدايق وتزعل ونفسيتك ماعم تكون كتير تمام ولازم ماتثق بحدا ..
❤عاطفيا .. عندك بداية يومك اجواء عاطفية حلوة بتدعمك بس المسا عم تتعب فجأة ولازم اهتمام خاص ..
■النسبة المئوية :
●مهنيا : %68 ●ماليا : %70 ●عاطفيا : %80 ●صحيا : %68


الثور ♉

يومك جيد من الضهر وفي علاقات حلوة ..
بشوفك بهاليوم عم تقدر تغير كتير امور وتحل كتير مشاكل وتتقرب من عيلتك وتهدي الوضع المتوتر معن وحتى في اخبار حلوة واجواء ايجابية وبتلاقي حالك مبسوط وعم تشوف ناس بتحبا وتغير حالتك ..
❤عاطفيا .. الوضع العاطفي بيشهد هاليوم تحسن كبير قلبك رجع يرتاح للشريك بعد جولة ابتعاد قسري. اسمع دايماً لقلبك ومش لعقلك خاصة بهالفترة
■النسبة المئوية :
●مهنيا : %77 ●ماليا : %80 ●عاطفيا : %85 ●صحيا : %76


الجوزاء ♊

عندك لقاءات وناس وقصص بالبيت ..
بشوفك بهاليوم عم تبلش تحسن من علاقاتك وتعمل شي مهم على صعيد شغل او تثبت حالك باختبار الك واهم شي ماتخالف القوانين وخاصة المسا وتكون منتبه لوضعك بالبيت وتهدي مع اهلك ..
❤عاطفيا .. الوضع العاطفي جيد اذا كان في لقاء او تواصل مع الشريك صباحا لكن المسا مو كتير ..
■النسبة المئوية :
●مهنيا : %66 ●ماليا : %70 ●عاطفيا : %68 ●صحيا : %64


السرطان ♋

بين امور مالية وعلاقات وسفر يومك ..
عم شوفك عم تدور على امور جديدة بحياتك ويمكن ناطر شي مالي ومن الضهر بتتحرك اكتر وبتكتر عندك اللقاءات والناس والاتصالات وغالبا في اماكنية لسفر وكمان عندك ناس جديدة عم تشوفها ..
❤عاطفيا .. حاول تعزز علاقتك مع الشريك وفكر هاليوم كيف تبني علاقة حب صح اذا اعذب ..
■النسبة المئوية :
●مهنيا : %77 ●ماليا : %72 ●عاطفيا : %78 ●صحيا : %74


الأسد ♌

عندك اخبار حلوة وقصص عم تنحل ومال ..
اطمن يوم بعد يوم عم تتحسن اوضاعك اكتر وبكون في عندك اخبار حلوة مهنية ومالية وبتتحسن العلاقات كمان ومكاسب مهمة وممكن تحصل على تعويض او مبلغ مالي بس خليك واضح وانتبهلي لمصروفك
❤عاطفيا .. اطمن يوم مميز بالعاطفة وعم يكون في اوقات حلوة بتعيشها مع الشريك ..
■النسبة المئوية :
●مهنيا : %79 ●ماليا : %84 ●عاطفيا : %76 ●صحيا : 78%


العذراء ♍

ماعم تبلش نهارك تمام لكن المسا افضل بكتير ..
يبدو في قصص شاغلتك وتاعبتك بهاليوم وخاصة انك منفعل وماكتير راضي عن الوضع لكن من الضهر بتبلش امورك تتغير وفي حلول واجواء ايجابية ناطرتك على صعيد الشراكات والشغل وممكن حسم بوضعك ..
❤عاطفيا .. رغم انو مدايق لكن المسا عندك اخبار حلوة عاطفيا والبعض ممكن يتم ارتباط ..
■النسبة المئوية :
●مهنيا : %80 ●ماليا : %82 ●عاطفيا : %87 ●صحيا : %84


الميزان ♎

عم تكون الامور بحاجة حل وانتبه لصحتك ..
يبدو انو في اشخاص ماعم تقدر تعبك وبداية نهارك في اجواء حلوة لكن المسا بتحس انك ماكتير مرتاح وانو في تراكم شغل وحتى صحتك لازم تعتني فيها منيح هالفترة وتنتبه من قصة مشفى او زيارة دكتور ..
❤عاطفيا .. حاول تتفهم الشريك وتستغل نهارك وتنتبه المسا من بعض القصص يلي بتدايقك مع الشريك ..
■النسبة المئوية :
●مهنيا : %64 ●ماليا : %60 ●عاطفيا : %66 ●صحيا : %63


العقرب ♏

يوم بيحملك اجواء حلوة مع ناس بتحبا ..
عم شوفك بهاليوم قادر تنجح باختبارات مهنية وحتى الشهرة موجودة وكمان بتتحسن علاقاتك بشكل كبير وبتشوف اشخاص بتحبن ويمكن يكون عندك فرص لبدايات جديدة وتحسن كبير اجتماعي عندك ..
❤عاطفيا .. استغل يومك بافضل العلاقات وخاصة المسا وممكن تتم ارتباط كمان ..
■النسبة المئوية :
●مهنيا : %75 ●ماليا : %70 ●عاطفيا : %73 ●صحيا : %68


القوس ♐

عندك اجواء حلوة هاليوم وانتبه من مشاكل المسا ..
حاول تعزز علاقاتك بالنهار لان عندك اخبار حلوة وناس جديدة لكن يبدو من الضهر عم تحس انو في قصص ماعم تكمل وبعض الناس عم تحكي عليك فانتبه وماتعطي فرصة لحدا يستغلك او يخرب وضعك بالبيت ..
❤عاطفيا .. اجواء حلوة للعاطفة وخاصة الصبح لكن انتبه من بعض المواجهات يلي بتأثر على علاقتك بالشريك ..
■النسبة المئوية :
●مهنيا : %72 ●ماليا : %73 ●عاطفيا : %79 ●صحيا : %71


الجدي ♑

عم تتغير الاوضاع لصالحك وفي مال وناس جديدة ..
كل شي ببلش يتغير لصالحك تدريجيا ويبدو انو وضعك المالي عم يتحسن وحتى علاقاتك عم تكون جيدة وفي ناس جديدة بتدعمك وبتقدر تطور امورك وحتى تسافر بس انتبهلي من الحوادث ..
❤عاطفيا .. العاطفة عم تتحسن عندك ويمكن يرجعلك حب قديم فاستغا هيك يوم ..
■النسبة المئوية :
●مهنيا : %79 ●ماليا : %70 ●عاطفيا : %77 ●صحيا : %74


الدلو ♒

بتنزعج ومابدك تحكي ولازم تحاول تروق ..
يبدو انو في كتير قصص عم تزعجك بهاليوم وخاصة صباحا لكن اطمن عندك شي منيح قادم ويمكن من الضهر تلاقي حلول مالية وتغير من حالتك بتكون مرتاح اكتر وفي ورقة يمكن تحصل عليها او شغل ..
❤عاطفيا .. حاول ماتتسرع باي قرار عاطفي خاصة الصبح وانتظر مصالحات متوقعة المسا ..
■النسبة المئوية :
●مهنيا : %68 ●ماليا : %69 ●عاطفيا : %62 ●صحيا : %71


الحوت ♓

بين شغل وشراكات وبدايات جديدة يومك ..
لازم هاليوم تفكر فيه بالبدايات الجديدة رغم انو يوم طويل ومتعب اكن في شي منيح صباحا على صعيد الشغل والمسا على صعيد العقود والشراكات وعم تحسم امورك وانتبهلي لصحتك كمان ولعلاقاتك ..
❤عاطفيا .. بدها العلاقة شوية رواق وخاصة انو العتب ماعم يفيد مع الاشخاص يلي مابتحس ..
■النسبة المئوية :
●مهنيا : %70 ●ماليا : %63 ●عاطفيا : %68 ●صحيا : %62

مكتب التحرير

مراقب صحفي | يقارب الأحداث والمواضيع بإلتزام وموضوعية دون تمييز وليس منحاز إلا لما هو الافضل لبناء مجتمع يقرأ ويميز بين الأخبار الحقيقية والاخبار المضخمة أو الموجهة. مقاوم وثائر للحق و الشعوب الكادحة المستضعفة

مقالات ذات صلة

زر الذهاب إلى الأعلى
KhabarTaza

مجانى
عرض