زاوية خاصة

فيروز فكرة والفكرة ما بتموت

فيروز ساكنة بداخلنا تماما مثل فلسطين منشعر فيها لكن ما منشوفها
فيروز عاشت بطفولتنا لما غنت:”لهم حب الدنيا لهم لعب الدنيا…وهم فرح البال يا شمس الاطفال”

عاشت بمراهقتنا لما غنت:”إمي نامت ع بكير وسكر بيي البوابــة..وأنا هربت من الشباك وجيت لعيد العزابة”
عاشت نضجنا لما غنت:”يا بدر انا السبب أحببته بلا امل”

عاشت حبنا لما غنت:” وندهلي حبيبي جيت بلا سؤال
من نومي سرقني من راحة البال…أنا على دربو ودربو عالجمال يا شمس المحبي حكايتنا أغزلي”

عاشت اخلاصنا لما غنت:”بعدك بقلبي وردة الوردات..ومفتّحة ورقة على ورقة”

عاشت خوفنا لما غنت:”يا خوفي إبقى حبك بالإيام اللي جايي..و اتهرب من نسيانك ما اتطلع بمرايي”

عاشت غصبنا لما غنت:”الغضب الساطع آتٍ وأنا كلي إيمان”

عاشت نصرنا لما غنت:”و يا شعب الشعوب الأقوى من الحروب..بتبقى اذا بيبقى يا شعب الجنوب”

عاشت امومتنا لما غنت:”وشو الدنيي يا بني وشو طعم الدنيي…ما هبجت وجيي ايديك الحرير”

عاشت وجعنا وفقرنا لما غنت:”
الكرامة غضب والمحبة غضب والغضب الأحلى بلدي”

وطبعا اللي عاشته فيروز معنا بكل مراحل حياتنا ومشاعرنا لا بيخلص ولا بينعد. لهيك وردا على الإشاعة حول وفاتها هلق صحيح انه الشيء الوحيد الثابت بالحياة هو الموت لكن شخصية مثل فيروز عمرها شمسها ما بتغيب لانه نورها خالد بكل وجدننا

اظهر المزيد

حسام غ

مراقب صحفي | يقارب الأحداث والمواضيع بإلتزام وموضوعية دون تمييز وليس منحاز إلا لما هو الافضل لبناء مجتمع يقرأ ويميز بين الأخبار الحقيقية والاخبار المضخمة أو الموجهة. مقاوم وثائر للحق و الشعوب الكادحة المستضعفة
زر الذهاب إلى الأعلى
إغلاق
KhabarTaza

مجانى
عرض